Okushwijuma empindahinduka omu mijwarire y‟Abakiga aba ira n‟aba hati

Abstract

Okucondooza oku nkashwijuma aha mpindahinduka omu mijwarire y‟Abakiga aba ira n‟aba hati. OKurugiirira aha kucondooza okwakozirwe abacondoozi aba kitara foundation for regional tourism (omu kyashakya kya makumi abiri) nibagira ngu oburugo bwa Bakiga tiburikwetegyerezibwagye, abamwe nibagira ngu bakaba nibatuura omuri Karagwe ,baafurukayo baaza Bunyoro omu bwire bwa Luo kandi baine akakwate n'Abanyambo aba Tanzania. Abandi nibagira ngu oburugo bwabo ni Buganza omuri Rwanda. Bakaija kufurukayo barikuronda eitaka ery'orwezo kandi barikuhuga n'entaro ezaabaire ziri omuri Rwanda. Nikigambwa kuba baafurukire bakaza Busia ku baarugireyo baaza Bugoyi baarugayo baaza Rutchru ezirikushagwa Zaire reero bwanyima ya byona baaza Kigezi. Bakaba nibatuura Kigezi empango erimu zaadisiturikiti nka Kabale, Kanungu na Rukungiri. Omu byaro nka Ndorwa, Rubanda, Rukungiri, Omuri Kabale hamwe n‟ebicweka ebimwe ebya Kikizi hamwe n'amashaza ga Rubanda omu disiturikiti ya Rukungiri. Aba kitara foundation nibongyera bagira ngu ahabw'okweyogyera kw‟omubaro gwabo bakeeyongyera kufuruka nibaza omu bicweka ebindi ebya Uganda nka Kamwegye, Kabalore, Rukugiri, Kasese, Hoima, hamwe n'omu zaadisiturikiti nka Mubende, Masaka, Mbarara, , Ibanda na Rwampara kandi abamwe bakatuura omu disiturikiti ya Masaka na Lakai.Waabareeba n'abantu baine amaani kandi barikugamba Orukiga.