Ebirungi ebiri omu kushoma orunyakitara omu matendekyero makuru

Abstract

Okucondooza kukakorwa kubaasa kumanya aha migasho eri omu kushoma Orunyakitara namunonga omu matendekyero g’ahaiguru. Omucondoozi akabaasa kumanya oku abeegi b’Orunyakitara bari kurureebamu n’okumanya oku baahuriire bari kurushoma. Akeeyongyera yaamanya ebirungi ebi abeegi baarwo baarutungiremu kubaasa kuhikiiriza omuramwa mukuru gw’okucondooza. Omu kucondooza abeegi aba bakabaasa kugambira omucondoozi eburemeezi obu baatungire omu kushoma orurimi rw’Orunyakitara aha yunivasite. Obureemi obu omucondoozi akabuhandiikaho haza yaagaruka yaaheereza n’ebi arikuteekateeka byakubaasa kukorwa kukyendeza oburemezi obwo. Omucondoozi akaheerezi n’ebi arikuteekateeka byakubaasa kukporwa kwongyera aha muhendo gw’abeegi b’Orunyakitara omu matendekyero g’ahaiguru kubaasa n’okubaasa kwongyera kururinda n’okurutunguura.