Engeri olulimi Oluganda gyerukozesebwamu ku bupande obulanga eby’amaguzi ku maduuka g’e Kamwokya

Abstract

Mu kunoonyereza kuno okwali ekamwokya, Okusinziira ku kunoonyereza kwaffe kyeraga lwatu nti ensobi nnyingi ezeeyolekedde ku bupande naye nga ate nebannyini bwo tebamanyi nti buliko ensobi nga kino kiviira ddala ku nsonga ezamennyedwa waggulu nga abantu obutettannira nnyo lulimi lwabwe nga balugigiikiriza n’olulimi Oluyaaye olusinga okukozesebwa mu kitundu kino. Nabwekityo kisaanidde bannannimi okwagazisa ennyo abantu olulimi lwabwe Oluganda olwo batandike okulwettanira ennyo mu kuluwandiika nemukulwogera awo nno ensobi zino nazo zijja kukendeera sinakindi n’okugwerawo ddala. Nabwekityo tukuba omulanga eri abo abaddukannya eby’ensoma gamba nga ekitongole ky’eby’engigiriza okwongera amaaanyi mu lulimi luno Oluganda nga omwana aluyiga okuviira ddala mu buto, kino kijja kuyambako mukugonjoola ekizibu kino eky’okuwandiika obukyamu ku bupande. Okwongereza kw’ebyo waggulu abasomesa abasomesa olulimi luno kisaana bafiibweko nga balina obwetaavu bw’ekintu kyonna gamba nga obutabo ate nabo baagazise abayizi olulimi lwabwe okusinga okulubakyaya.